iiin the mood of journey

我最愛的女歌手，陳綺貞，終於肯出演唱會live 影碟．．．

這張dvd 是收錄她在台灣開的「花的姿態演唱會」可惜唱的歌不夠多（還是沒有完整收錄？不清楚），比幾年前在香港九龍灣展貿演唱的曲目還少，真的不夠喉．．．但看完影碟還是有種莫名的感動。

估不到會唱林嘉欣的「女明星」，尾段時她對著其結他手男友鍾成虎唱「我是女明星我只崇拜你，崇拜你～」，甜蜜有趣。

可惜沒有我最愛的歌曲「地下道（又名煙火）」．．．

但其實最可惜的是沒法親身到場去欣賞她的演出。

這就是我用來從事各式創作的單行簿，寫文，畫公仔，產品設計等等，出街必帶。最細的＄１０only。

其中一頁．．．blog 的草稿，或可說是brainstorming，字嘛．．．自己睇得明就可以吧．．．

我歷盡艱辛，追尋理想，如今走入這個國度已一年了。雖然我刻意記著這個日子是為了提醒自己不要浪費時間，但仍多謝朋友們為我舉杯。

多謝一班design 同學的支持，特別鳴謝Mic, Alfred, Gigi, 在工作上給我無酬的支援和意見，如果我像在玩RPG game 的話，你們就是給我重要指引的精靈。

多謝高sir，高sir 你自己可能不知，是你讓我下定決心去走這條路。 

多謝Kim，二十年的老同學老朋友，幫我最多，對你來說可能只是舉手之勞，對我來說卻是天降甘露了。

多謝Garfiled 媽媽對我仿如媽媽對待兒子般的欣賞和鼓勵。

多謝Ju 妹給我最有耐性的心理輔導。

明天又是一個新開始，每一個明天都是令人又興奮，又不安，卻又值得期待的新體驗！

送一首歌給所有 designer:

(閱讀全文)

啜～

filifilfiliflifliiiiiii～～～～

falonfalonfalonnnnn～～～～

啜～

fu～蓬～

poklokpoklokpoklokpoklok～～～

咔o察~

chiiiiiiiiiii～～

poklokpoklokpoklokpoklokkkkkkk～～～～

啪

o雪o雪o雪～～～o雪o雪～～～

 

(閱讀全文)

                                                                             Birds of a feather
 

有時人與人之間的緣份實在既奇妙又令人懊惱，和你最匹配的人很多時又不會是跟你共渡餘生的那個人。時候對不對，遇上的人錯不錯，交織配對成千萬個「幸福，錯愛，荒唐與遺憾」的愛情故事。有人固執追求「對的時候對的人」，結果甚麼人都沒有；有人妥協一點，對的時候就算遇到不是全對的人都希望就此劃上句號，但偏偏又要讓他婚後才遇上Mr.Right 。在枕邊人身旁懷著相逢恨晚的遺憾而遲遲入睡的人或許很多，但真正夠膽不顧一切追求真愛的人少之又少。如果文字可以替一對錯配的鴛侶在某個時空中以天造地設的身份重新走在一起的話，我就略盡綿力為他們貼上一片可以稍稍舒緩心中痛楚的小藥貼吧:

火紅的太陽慢慢沒入海與天的分界線中，橙紅的日色慢慢化開，塗染到漫天四海。蔚藍的長空與白潔的浮雲漸粉漸紅，害怕深藍被抹掉的海浪向灘頭狂奔，疲累的浪濤反而抹掉了別人的足印。長長的沙灘上有一對情侶在漫步，夕陽為偷偷在他倆的背影上塗了一筆而沾沾自喜，不忿的海浪想掩沒四周的寂靜卻始終沖不走他們的輕聲細語。

阿力：「Fanny，不如去果邊坐下囉～」

Fanny：「嗯～」二人拿著生日蛋榚和紅酒在離浪潮較遠的沙灘上坐下來休息。

Fanny：「呼～好舒服呀～ｄ海風～」

阿力：「唔，不過今日熱左少少．．．不如游水囉～」

Fanny：「唔好啦，我肥左ｄ呀，著泳衣唔好睇～」

阿力：「邊度有人睇你ｄ肉o即，都無人～」

Fanny：「啊！你都話我肥！唔能夠承受肥肉o既，我好抱歉，你需要離開呢度，如果有人唔鍾意呢個遊戲，又或者覺得我唔係佢想要o既o野，就需要離開呢個地方！」

阿力：「我從來冇話過你有肥肉，只係覺得你唔係瘦，因為瘦係刻意去減肥，攬住條減肥腰帶周圍走就係刻意減肥。」

Fanny：「做你女朋友好似食白粉上癮咁，好辛苦，你對我好時就會忘記辛勞，但過一排又要再辛苦過！」

阿力：「好啦好啦好啦，係我剛才輕率左ｄ，我錯我錯～o黎，鍚番～」

Fanny：「咦～行開ｄ呀～」阿力想親一親Fanny的芳澤，但被Fanny一手推開，阿力失去平衡，一手按在放了生日蛋榚的紙盒上。

Fanny：「哎呀～～～扁晒啦，我親手做o既蛋榚責扁晒啦，責到變杮餅啦，衰人！」

阿力：「呀哈哈哈～～乜野叫責到變杮餅呀？咁咪搵個林杮去試下係咪會責到變杮餅囉～」

阿力：「嗱，趁仲有ｄ未扁，快ｄ吹蠟燭許願啦～」阿力捧了一件插上蠟燭的蛋榚給Fanny許願。

阿力：「你許左咩願呀？」

Fanny：「我希望你快ｄ買樓～hehe～」

阿力：「咪比壓力我啦～」

Fanny：「呢ｄ係動力，好似澳門跑狗咁，前少少有隻電兔，等佢搏命追，只要努力少少就捉得到。」

阿力：「呢ｄ氣氛咪講呢ｄ野啦～」

Fanny：「咁等我搞ｄ氣氛啦～」Fanny在他們旁邊點起蠟燭圍了一個心形。

Fanny：「哎吔！好痛呀，被火燒到啦～」

阿力:「又乜野呀，乜野叫被火燒呀？辣到少少就叫被火燒呀？如果係咁打邊爐就唔使排咁耐啦～」

Fanny：「燒親手呀！做唔到野啦！你養我啦～！」

阿力：「話咁易咩．．．公司最近生意唔好呀，無左兩個大客，仲要可能關我事o架．．．」

Fanny：「They are all so stupid！根本咁多人做野，如果係關你事，點解淨係走兩個咁少？應該無晒ｄ客啦．．．我就真係唔多掂啦，公司最近好似裁員，尋日至走兩個呀～」

阿力：「唔可以話你公司裁員，如果係裁員，你第一個比人裁左啦，如果係，你班同事都應該死晒。」

片刻的鴉雀無聲，此時他們有種心有靈犀的感覺，大家心裏同時想著一句說話：「全世界真係得我頂得住你ｄ咁涼薄o既說話o架咋！」

天生一對的情侶不一定讓人覺得賞心悅目，即使醜陋都可以匹配得天衣無縫，雙方都知彼此的說話是經大腦輸出還是經大腸排放，彼此心胸都有足夠低溫去承受對方的涼薄關懷。馬力，范椒芬，這樣天造地設的一對，偏偏不能在現實中結合，唯有在報章上靠閱讀對方的新聞來概嘆這種相逢恨晚吧。　

                                                 Fuss show

 

旁白：「有請史上最鍾意搞事o既組合～李博章，羅不求芬！」

李博章：「歡迎大家收睇『小題大做鬥一番』大家好，我係章仔～」
羅不求芬：「Hello，我係芬芬～」

章仔：「芬芬呀，考下你，你可唔可以將一個乒乓波變到藍球咁大o丫？」
芬芬：「乒乓波變成藍球？點變呀？er……我知！吹氣吹大佢！」
章仔：「你個頭就唔方唔大啦～嗱，我知有班人最叻小事化大，聽講仲話約埋一齊鬥一鬥，實行睇下邊個至係「小題大做」之王咁話o添喎！」
芬芬：「係？係咁就真係要落足眼力去睇下啦」

       

１號參賽者：中大　鶴山布，２０歲，自恃無王管，最鍾意在校園周圍搵事搞，寫下大字報。
２號參賽者：中大　孝方，４5歲，同鶴山布係兩父子，平時唔聲唔聲，但其實最鍾意執住少少野發大o黎講。
３號參賽者：華文　泉梅，５6歲，小題大做界無人不識，經驗豐富，最叻炒幾味，一炒炒幾日。
４號參賽者：影氏　瀋才柱，４1歲，平時唔多主動，一有人撩佢就會發大o黎搞，而且永無固定法則。
５號參賽者：多氏　網文，３2歲，最愛四圍搞，時而正經，時而玩野，最愛挑戰傳統。

比賽開始！

章仔：「比賽一開始，血氣方剛o既中大　鶴山布首先出招，整左一份寫滿出位字句o既問卷，例如問你有無諗過同屋企人做愛呀，有無想同咩動物做愛呀咁，想話嚇一嚇其他參賽者喎。」
芬芬：「嘩，又真係幾小題大做喎！」
章仔：「係呀，將一ｄ中二中三被荷爾濛搞到坐立不安o既小男生，在班房一角圍埋一齊細聲講大聲笑o既入門級意淫笑話，擺放o向「理性探討學術研究」o既高檔位置上，夠晒攞o黎搞呀！比唔到人覺得係理性探討學術研究果下至犀利嘛！」

芬芬：「嗱，佢老豆中大　孝方都唔示弱o架，佢一見到份問卷，就即刻向中大　鶴山布發出嚴重警告，話佢已超出可接受範圍，嚴重影響聲譽，仲話會考慮係咪處罰甚至踢佢出街o添！」
章仔：「果然虎子無太父呀o下，細路仔自然玩返ｄ細路仔野o架啦，中大　孝方咁大反應，又要打又要殺，又話有辱家門，反而無先關埋門慢慢傾清楚搞ｄ乜，夠晒小題大做呀～」

章仔：「經驗老到o既華文　泉梅就當然識到搵位入啦，見佢兩個玩得咁高興，就當然唔執輸，一於搞慶佢，局部放大，煽風點火，一邊o向個仔面前話言論自由受到威脅，編輯失去自主，一邊又向老豆話個仔過晒火位，胡作非為喎～」
芬芬：「原本呢ｄ校園新聞係茶杯裏風波o者，發到咁大o黎講，不愧係小題大做界o既老手呀！好野～」

芬芬：「影氏　瀋才柱都不甘示弱喎，將中大　鶴山布大肆評頭品足，面斥佢二級不雅，鶴山布當然唔忿氣啦，佢話自己最多都係口臭o者，有乜理由話佢不雅先？」
章仔：「但影氏　瀋才柱話喎，淨係佢把口衰衰格格都足夠影響到佢成個人都好不雅喎，真係小題大做呀～」

章仔：「多氏　網文見影氏　瀋才柱咁小題大做，一時技癢都忍唔住要出手啦，掟本聖經出o黎大家面前質問瀋才柱話聖經都有亂倫強姦喎，係咪一樣咁二級不雅先～」
芬芬：「嘩～聖經都關事？使唔使咁小題大做呀？」
章仔：「呢呢呢～佢擺明就係要小題大做啦，不過醉翁之意不在酒，佢志在想睇下瀋才柱係咪玩雙重標準o者～」

章仔：「嘩，呢場大混戰真係唔知會搞到幾時同唔知點收科啦～」
芬芬：「個個為 d 咁小o既事出晒力死撐到底，無人肯認輸，繼我話個個都係小題大做之王呀～」
章仔：「今集「小題大做鬥一番」時間又到啦，睇下下次幾時又有呢ｄ大比拼啦，再見～」
芬芬：「ｂｙｅ　ｂｙｅ～」

                                                        Fluke

 

    

據說這些「初生嬰兒」是由糖果製成，栩栩如生，幾可亂真，不知拿來吃時的感覺如何？假若有日你和女朋友在地鐵車廂內，看見身旁有對夫婦，媽媽手抱著一個還未滿月的嬰兒，那小嬰孩甜睡的可愛模樣觸動了女朋友的母性，一邊以「佢好得意呀」的眼神向那媽媽請示，一邊又等不及批準就輕輕逗弄一下他的小手指。感受著那比自己每小時塗一次 SKII 還要滑溜十倍的觸感，不禁讚嘆生命的奇妙，好奇著不知何年何月，這隻小手長大得也可以逗弄別家的小孩呢？女朋友逗得高興，正想握著他的小小小食指來個「握握手做個好朋友（大聲重音）」的把戲時，「啪」的一聲，ＢＢ仔的整條食指折斷，彈飛跌落在坐位上一個秃頭中年漢那ＮＤＳ的螢幕上。在中年漢還在狐疑那是不是翻版ＮＤＳ筆斷開的部份時，在女朋友還呆立當場腦袋出現雪花畫面時，那個「媽媽」拾起「斷指」對著女朋友說「既然斷左就請你食啦」。跟著她以指尖點著ＢＢ的鼻頭「奀咕咕，你睇下佢幾得意～」然後把鼻子「搣」下來餵給「爸爸」吃，「爸爸」說「唔好食晒呀，留返陣間睇戲至食～」

虛驚一場，原來是１：１尺寸的家庭裝糖果嬰兒。

設身處地，若你是「搣」斷ＢＢ手指的那對男女會怎樣？只要幻想一下都會流一把冷汗。用紙巾印一印這把汗水，用顯微鏡細看，會發現這把冷汗之中會有種分泌物叫「福綠克（FLUKE）－－僥倖」。

不幸的事情，原來是假的，而且戲劇性收場。

領錯遺體，周一嶽與醫院殮房員工都希望那是假的，哪有這麼多屍體被認錯，真希望原來係是家屬自己搞錯，想搵人做代罪羔羊。

交通意外，小童軍與大童軍都希望那是假的，迴旋處那麼細地方都撞死人？真希望原來他是詐死來逃避媽媽嚴厲的監管。

澳門遊行，司警「抽水哥」都希望中槍事件是假的，這麼遠的距離都中槍？真希望原來是鐵騎士自己同人結怨而中槍。

酒樓打人，打人的吸煙食客都希望那幫被打的名人是假的，哪有這麼好彩，打著全臺都是會被大幅報導的知名人士？真希望他們是打了都無人理的小市民。

總之最好所有壞事情都只是賣相迫真的糖果「原來係咁～嚇得我吖，仲等我以為係真o添！喂，不過又幾盞鬼喎～」但現實裏又有幾多個僥倖？很多人去買六合彩，其實心裏明白自己中六合彩頭獎的機會很微，但奇怪的是，在發生事故時偏偏又覺得自己總是可以僥倖地避過。同樣是一種博彩，我們買六合彩的次數如此的多，中獎機會都尚且萬中無一，為何反而偶而發生的事故，我們會如此深信「僥倖避禍」這種事可以一擊即中？

在醫院殮房交收處理文件，移交遺體前；在毛尚未出齊的大腿踏上七人房車油門前；在猙眉怒目地拿起手槍向天狂轟前；在打爆酒樽再欲打爆別人的頭臚前，是否也應該先想一想，自己是否可以必定抓得緊運氣，不讓意外發生？而即使發生意外亦可僥倖地避過一劫？

「啪」的一聲，那小嬰孩手指被痛楚所驚醒，嚎啕大哭，那對男女在媽媽一邊撫慰小孩一邊怒斥的聲音之中連忙道歉。