「喂，你見唔見到呀？」

「見到呀見到呀，好正呀！」

「阿媽，出現啦出現啦，快ｄ出 o黎睇啦！再唔睇就無 o架啦！」

「小明，今日爸爸帶你一齊去睇，好唔好呀？」「好野！有得睇啦！爹o地唔准反口 o架！」

「通知ｄ伙計，呢兩日取消休假，因為會有好多市民出去睇，要確保有足夠人手 control」

「點解會帶埋個 bb 仔o黎o既？」「想比佢見識下，等佢早ｄ睇下知道下係咩o黎」

「喂～係呀，好多人呀，個個都係o黎睇．．．Joan？　佢話同另外d friend 一齊去睇喎，好似話有地方睇得清楚Ｄ」

「咁天文台話呢，今日雲層比較稀薄，估計唔會影響市民觀賞o架，而四五點會係觀賞o既最佳時間，如果市民想睇清楚o既話，就要好似我咁～除左副太陽眼鏡啦　　無線電視記者，方健怡報導。」

喂，各位，你地呢？你地又睇左藍天未呀？